नांदेड एलपीजी ग्राहकांनी १५ ऑगस्टपूर्वी ई-केवायसी पूर्ण करावी

*नांदेड जिल्ह्यातील घरगुती गॅस ग्राहकांना जिल्हा प्रशासनाचे आवाहन*

नांदेड, दि. 9 ऑगस्ट 2026 : नांदेड जिल्ह्यातील सर्व घरगुती एलपीजी (LPG) गॅस ग्राहकांनी ई-केवायसी (e-KYC) प्रक्रिया १५ ऑगस्ट २०२६ पूर्वी पूर्ण करावी, असे आवाहन जिल्हाधिकारी राहुल कर्डीले यांनी केले आहे. गॅस पुरवठा नियमित व सुरळीत राहण्यासाठी ग्राहकांनी विहित मुदतीत ई-केवायसी पूर्ण करणे आवश्यक आहे.

गॅस एन्सीवर ई-केवायसी कशी करावी?

ग्राहकांनी आपल्या संबंधित गॅस एजन्सीला आधार कार्ड व गॅस पासबुक घेऊन भेट द्यावी. एजन्सीवर बायोमेट्रिक अर्थात अंगठ्याच्या ठशाद्वारे ई-केवायसी प्रक्रिया पूर्ण करता येईल.

मोबाईल ॲपद्वारेही ई-केवायसीची सुविधा

ग्राहकांना घरबसल्या संबंधित गॅस कंपनीच्या अधिकृत मोबाईल ॲपद्वारेही ई-केवायसी करता येणार आहे. यासाठी IndianOil One, Bharatgas किंवा HP Pay यांसारख्या अधिकृत ॲपचा वापर करून आधार आधारित फेस ऑथेंटिकेशनद्वारे प्रक्रिया पूर्ण करता येईल.

ई-केवायसीची प्रक्रिया पूर्णपणे मोफत आहे. त्यामुळे ग्राहकांनी कोणत्याही प्रकारचे शुल्क देऊ नये. अंतिम मुदतीच्या वेळी होणारी गर्दी व धावपळ टाळण्यासाठी ग्राहकांनी १५ ऑगस्टपूर्वीच ई-केवायसी पूर्ण करून प्रशासनास सहकार्य करावे, असे आवाहन जिल्हा प्रशासनाच्या वतीने करण्यात आले आहे.