विद्यार्थी आंदोलन प्रकरणात सर्वोच्च न्यायालयाचे मोठे आदेश; अल्पवयीन विद्यार्थ्यांच्या सुटकेचे निर्देश

विद्यार्थी आंदोलन प्रकरणात सर्वोच्च न्यायालयाचे मोठे आदेश; अल्पवयीन विद्यार्थ्यांच्या सुटकेचे निर्देश नवी दिल्ली | जनवेध न्यूज विद्यार्थी आंदोलनाशी संबंधित प्रकरणात सर्वोच्च न्यायालयाने महत्त्वपूर्ण आदेश दिले आहेत. आंदोलनादरम्यान ताब्यात घेण्यात आलेल्या १८ वर्षांखालील आणि पूर्वी कोणताही गुन्हेगारी रेकॉर्ड नसलेल्या विद्यार्थ्यांना तातडीने मुक्त करण्याचे निर्देश न्यायालयाने संबंधित यंत्रणांना दिले आहेत. यासोबतच, आंदोलनाशी संबंधित सर्व डिजिटल पुरावे, सीसीटीव्ही फुटेज आणि इतर नोंदी सुरक्षित ठेवण्याचे आदेशही न्यायालयाने दिले आहेत. या प्रकरणाच्या पुढील सुनावणीदरम्यान सादर करण्यात येणाऱ्या पुराव्यांवर न्यायालय विशेष लक्ष ठेवणार असल्याचेही स्पष्ट करण्यात आले. या निर्णयामुळे विद्यार्थी आंदोलनाच्या प्रकरणाला नवे वळण मिळाले असून देशभरात या आदेशाची चर्चा सुरू आहे. – जनवेध न्यूज